Президент Садыр Жапаров «Улуттук банк жөнүндө» конституциялык мыйзамга кол койду. Бул тууралуу президенттин администрациясынын басма сөз кызматы билдирди.
«Улуттук банк жөнүндө» конституциялык мыйзам Жогорку Кеңеш тарабынан 2022-жылдын 30-июнунда кабыл алынган.
Ушул конституциялык мыйзам Улуттук банктын укуктук статусун, максатын жана негизги милдеттерин, ишин уюштуруунун тартибин, функцияларын жана ыйгарым укуктарын аныктайт.
Мыйзам башка нерселер менен бирге төмөнкүлөрдү камтыйт:
— Улуттук банктын милдеттүү резервдеринин эсебинен Улуттук банктын уставдык капиталын көбөйтүү;
— Улуттук банктын туунду жана ассоциацияланган компанияларына Улуттук банк тарабынан насыяларды/займдарды берүү мүмкүнчүлүгү;
— Кыргыз Республикасынын Конституциясынын жоболорун аткаруу үчүн Улуттук банктын функционалдык, уюштуруучулук жана финансылык өз алдынчалыгы жөнүндө жоболор такталган.
Бардык жаңылыктар Телеграм каналда
