Өлкө башчы Садыр Жапаровдун «Фейсбук» жана «Инстаграм» расмий баракчалары верификацияланды. Президенттин социалдык тармактагы баракчаларында верификация белгилеринин пайда болгонун көрүүгө болот.
Эми кайсы социалдык тармактар Садыр Жапаровго расмий түрдө тиешелүү экени көрүнүп турат. Учурда президенттин атынан ачылган фейк аккаунттар ондоп саналат.
Буга чейин Садыр Жапаровдун «Телеграммы» делген канал президентке тиешеси жок экенин өлкө башчынын маалымат катчысы Галина Байтерек айтып чыккан.
