Салыктык карызы бар 535 салык төлөөчүгө өлкөдөн чыгууга чектөө киргизилген. Бул тууралуу Мамлекеттик салык кызматы билдирди.
Маалым болгондой, 1128 салык төлөөчү боюнча материалдар да саякатка чектөө боюнча чечим чыгаруу үчүн Сот департаментине жөнөтүлгөн.
Эске салсак, жаңы Салык кодексине ылайык, 2022-жылдын 1-январынан тартып салык карызы бар жарандарга карата бир катар чектөө чаралары күчүндө. Мындай чара 100 миң сомдон ашык карызы барларга колдонулушу мүмкүн.
