Шайиста Шатманова Кыргыз Республикасынын «ЭлТР» мамлекеттик телерадиоберүү компаниясынын башкы директору болуп дайындалды. Бул тууралуу өкмөттүн маалымат кызматынан билдиришти.
Тийиштүү буйрукка Премьер-министр Садыр Жапаров кол койгон.
Шатманова 1981-жылы 16-октябрда Жалал-Абад облусунун Ала-Бука районунун 1-Май айылында туулган.
Ал “Супер-Инфо” гезитинин башкы директору болуп эмгектенген. Парламенттик шайлоодо «Социал демократтар» партиясынын тизмесинде депутаттыкка талапкерлигин койгон.
