Түркияда IV Дүйнөлүк Көчмөндөр Оюндарына даярдыктар башталды. Бул тууралуу Тышкы иштер министрлигинен кабарлашты.
Маалыматка ылайык, 12-августта Түркиянын Изник шаарында 2021-жылга белгиленген IV Дүйнөлүк Көчмөндөр Оюндарынын уюштуруучулук аспектилери боюнча Жаштар жана спорт дирекциясы менен салттуу спорт федерациясы ортосунда протоколго кол коюлган.
Бул 2021-жылдагы масштабдуу жана көрүнүктүү эл аралык иш-чаранын өтүүсүнө даярдыктардын башталышына шарт түзгөн.
Документке Түркиянын спорт жана жаштар министри, Түркиянын маданият жана туризм министринин орун басары, Бурса провинциясынын губернатору жана Бурса шаарынын мэри кол койгон.
«Түркия оюндарга даярдыктар жөнүндө маалымдап, Кыргызстан киргизген өзгөчөлүктөр сакталат деп ишендирди. Буга көчмөндөр оюндарынын өткөрүлүүчү жайынын символикасы далил болот: Изник шаарынын аймагында шаарды басып алуу үчүн болгон салгылашта курман болгон Кыргыз аскерлеринин эстелиги орнотулган. Мындан тышкары, кыргыз тарап салтка ылайык, оюндарды Изник көлүнүн жээгинде өткөрүү пландаштырылууда», — деп жазылат маалыматта.
[su_image_carousel source=»media: 38181,38182,38180″ crop=»none» autoplay=»4″]
