Улуттук тарых музейинде Баткен облусунун социалдык-экономикалык жана миграциялык турмушуна арналган фотограф Даниль Усмановдун «Шамал өрөөнү» аттуу көргөзмөсү ачылды. Бул тууралуу Маалымат министрлиги билдирди.

Иш-чарага музей директору Жылдыз Бакашова, Франциянын Кыргызстандагы элчиси Николя Фай, Германиянын элчиси Моника Ленхард, Гете институтунун жетекчилиги, долбоордун катышуучулары жана коомчулук катышкан.

Көргөзмө француз-немис маданият институтунун долбоору жана Тарых музейинин колдоосу менен уюштурулган.

Көргөзмө 28-декабрга чейин уланат. Музей көрүүчүлөрдү Баткен элинин турмушу, ички жана тышкы миграция темалары менен таанышууга чакырат.

Мындан сырткары, долбоор келерки жылы Парижде жана Берлинде көрсөтүлөт.