Таштанды челектен табылган ымыркай №1 төрөт үйүндө дарыгерлердин кароосунан өтүүдө. Бул тууралуу Reporter.kg’ге Саламаттык сактоо министрлигинен билдиришти.
Ал айына жетип төрөлгөн, салмагы — 2 кг 210 грамм, жынысы – эркек.
“Төрөт үйүнө жеткирилген учурда бала катуу тоңуп, дене табы 28.4 градуска чейин түшүп кеткен. Андан сырткары, төрөлүү шарты дагы белгисиз болгондуктан, абалы оор болчу. Дарыгерлер ага дароо керектүү жардамды көрсөтүштү. Учурда абалы туруктуу. Тамактанып, өзү дем алып, кувезде жатат. Аны кароого бардык шарттар түзүлгөн”, — дейт министрлик.
Белгилей кетсек, бөбөк Бишкектин Октябрь районунун Элебаев көчөсүндөгү таштанды челектен кечээ түнү табылган. Учурда Октябрь райондук милициясы анын ата-энесин издөөдө.
Биздин Телеграм каналга катталыңыз