Төө-Ашуудагы тоннелдин ичинде бузулуп калган “Lexus GX470” унаасы чыгарылды. Бул тууралуу ӨКМдин басма сөз кызматы билдирди.
Маалыматка караганда, Бишкек —Ош унаа жолунун 129-чакырымында “К.Көлбаев” атындагы тоннелдин ичинде “Lexus GX470” үлгүсүндөгү унаа бузулуп, туруп калгандыгы боюнча маалымат түшкөн.
Жеринде нөөмөттө турган ӨКМдин ТККК 6-ӨМТККВдан куткаруу тобу тартылып, унааны сүйрөтүп чыгарып беришкен. Жабыркагандар жок.
