Бүгүн Бишкекте Уланбек Эгизбаев атындагы сыйлыктын жеңүүчүлөрүнө сыйлыктар тапшырылды.
Сыйлоо аземине Эгизбаевдин туугандары, экс-президент Роза Отунбаева, коомдук ишмерлер, саясатчылар, медиа уюмдардын өкүлдөрү, журналисттер катышты.
1-орунду “Азаттык” OCCRP жана “Kloop Media” порталы Кыргызстандан мыйзамсыз чыгарылган миллиондор тууралуу иликтөөсү үчүн алды
2-орун «Kloop Media» басылмасына Бишкектин Ататүрк паркындагы жерлердин сатылышы тууралуу иликтөөсү үчүн ыйгарылды
3-орун журналист Болот Темировго берилди. Ал Бажы кызматынын мурдагы орун басары Райымбек Матраимовдун жубайынын кымбат жасалгаларынын баасын иликтеген.
Атайын сыйлыктар «T-Media» журналисти Марат Акимбек уулуна «Ош: ипотекага жамынган үй сатуу бизнесиби?» деген эмгеги үчүн берилген.
Ушундай эле сыйлык журналист Абдылда Темирбердиевге «Уурдалган алтындар» деген эмгеги үчүн ыйгарылды.
Бул «Журналисттик иликтөөлөр фонду» тарабынан экинчи жолу өткөрүлүп жатат.
