Унаа алып келип берем деп ири суммадагы акча каражатына алдап кеткенге шектүү кармалды. Бул тууралуу Октябрь райондук ички иштер бөлүмүнөн билдиришти.
Маалыматка ылайык, 22-февралда Д.И. аттуу жабырлануучу райондук милицияга арызы менен кайрылган. Анда А.И. атуу адам 2019-жылы “Land Cruiser- 200” унаасын алып келип берүүнү убадалап, 53 доллар акча алганын жана убадасын аткарбай, качып жүргөнүн билдирген.
Аталган факты боюнча 204-берене (алдамчылык) менен иш козголгон.
Тергөөнүн алкагында 41 жаштагы А.И. кармалып, Октябрь райондук сотунун чечими менен СИЗО-1ге 2 айга камакка алынган.
Учурда ушул сыяктуу башка иштерге тийешеси бар же жоктугу аныкталып жатканы айтылат.
Шектүүдөн жабыр тарткан же кандайдыр бир маалыматка ээ болгон адамдар 0(708) 06-49-26, 0(557) 33-33-53 жана 102 номеру аркылуу байланышса болот.
