Ырчы Абир Касенов менен рэпер Бегиш «Элим алданба» аттуу жаңы ыр жаздырып, клип тарттырышты. Бул тууралуу Абир Касенов «Инстаграм» баракчасына жазды.
Алардын айтуусунда, «Элим алданба» аттуу чыгармада элдин көйгөйү айтылып, жогорку кызматтагы адамдарга кайрылуу баяндалат.
«Баарыбызга белгилүү болгондой жашоодо өйдө-төмөн жолдор бар. Ар бир кыйынчылык элдин башынан жана ошондой эле жогорку жумуш оорундарын ээлеген инсандардын башынан өтөт.
Карапайым калктын көйгөйүн чагылдырган жана кичине болсо дагы ойлорун туура жакка багытоочу ырыбызды тартуулайбыз», — деп жазылат.
Ыр саптары «Мага баарың бип бирдей, Кимиң мыктысың билбейм, Акыйкатты мен издейм Таба албай келем», — деп башталат.
