Ысык-Көл облусунун Каракол шаарында 36 жаштагы киши сууга чөгүп каза болду. Бул тууралуу Өзгөчө кырдаалдар министрлиги кабарлады.
Маалыматта айтылгандай, окуя 27-майда саат 17:00 чамасында Пристань-Пржевальск айылында болгон.
Сууга чөгүп кеткен киши достору менен көл жээкке эс алууга барган. Окуя болгон жерге ӨКМнын куткаруучулары барып, маркумдун сөөгүн суудан чыгарып укук коргоо органдарына өткөрүп беришкен.
