Ысык-Көлдөгү № 354 аты жок мөңгүгө шейх Заед бин Султан Аль Нахайяндын аты ыйгарылды. Бул тууралуу президенттин маалымат кызматы билдирди.
Маалым болгондой, тиешелүү мыйзамга президент Садыр Жапаров кол койгон.
Шейх Заед бин Султан Аль Нахайяндын аты берилген мөңгү Жети-Өгүз районундагы Борду дарыясынын бассейнинде, Ак-Шыйрак тоо кыркасынын түндүк-батыш капталында жайгашкан.
Шейх Заед бин Султан Аль Нахайян Бириккен Араб Эмираттарынын негиздөөчүсү жана биринчи президенти болгон. Ал 1918-жылы төрөлүп, 2004-жылы көз жумган. 1971-жылдан 2004-жылга чейин өлкөсүн жетектеген.
Биздин Телеграм каналга катталыңыз
