Бир апта мурун кызматка дайындалган Жалал-Абад шаарынын мэри Мураталы Тагаевдин агасы Абдималик Тагаев өз каалосу менен кызматтан кеткени айтылууда.
Социалдык тармакка мөөрү бар бирок мэрдин колу коюлбаган, кызматтан алуу жөнүндө буйруктун сүрөтү жарыяланды. Маалыматтын чын-бышыгын тактоо үчүн шаар башкармалыгына байланышууга мүмкүн болгон жок.
Буга чейин Азаттык радиосу Жалал-Абад шаарынын мэри Мураталы Тагаев өзүнүн бир тууган агасын 21-августта шаар мэриясына караштуу жүргүнчүлөрдү ташуу агенттигинин башчылыгына дайындаганын жазып чыккан. Андан соң бул кабар интернет колдонуучуларынын талкуусуна түшкөн.
