Жалал-Абад шаарында эпидемиологиялык абалды эске алуу менен беткап тагуу режими күчүнө кирет. Бул тууралуу аталган калаанын мэриясынан билдиришти.
Маалыматка ылайык, 31-мартта санитардык талаптарды аткаруу боюнча түшүндүрүү иштери жүргүзүлдү.
“Тийиштүү тармактардан түзүлгөн 4 топ тарабынан шаардын аймагындагы мекеме-ишканаларга, банктарга, соода жайларына, коомдук тамактануучу жайларга, базарларга эскертме кагаздары берилди. Аларды санитардык эрежелерди сактоого чакырып, беткап тагынып, антисептикалык каражаттар менен иштөөнү айтышты”, — деп айтылат маалыматта.
Ал эми учурда Жалал-Абад шаарында коронавирус менен 12 адам ооруп жаса, жыл башынан бери 37 адамдан илдет аныкталган.
