КР Саламаттык сактоо министрлиги өткөн майрамдык сутка ичинде республика боюнча төрөлүү тууралуу маалымат берди. 2025-жылдын 31-декабры саат 08:00дөн 2026-жылдын 1-январы саат 08:00гө чейин өлкө боюнча 365 төрөт катталды.

Такталган маалыматтар боюнча, 367 бала жарык дүйнөгө келди: 190 кыз жана 177 уул. Төрөттөр менен жаңы төрөлгөн балдардын санындагы айырма төрт эмдин төрөлүшүнө байланыштуу: эки жуп Жалал-Абад облустук клиникалык ооруканасында, бирден жуп — Бишкек шаардык перинаталдык борборунда жана Ош шаардык төрөт үйүндө төрөлдү.

2026-жылдын биринчи наристеси — салмагы 3,915 кг болгон кыз, ал Ысык-Ата районунун Жалпы дарыгерлик практика борборунда так түн ортосунда (00:00дө) төрөлдү. Жаңы жылдын алгачкы он мүнөтүндө республикада жалпысынан 11 бала (5 кыз жана 6 уул) жарыкка келди.

Төрөлүү боюнча аймактык статистика:

• Жалал-Абад облусу — 81 төрөт (республика боюнча алдыда);
• Бишкек шаары — 69 төрөт;
• Ош шаары жана Ош облусу — 68 төрөт.

Отчеттук мезгилде медициналык адистер тарабынан 9 кесарево операциясы жасалды. Төрөткө жардам берүүчү бардык уюмдар штаттык режимде ишин улантууда.