Садыр Жапаров оппоненттерине ыраазы жана өлкөнүн жыргалчылыгы үчүн иштөөгө даяр. Бул тууралуу ал кечээ, 10-январда президенттик шайлоонун алдын-ала жыйынтыгы белгилүү болгондон кийин журналисттерге маалымат берип жатып билдирди.
«Мен бийликке оор саясий кырдаалда келем. Мага сиздердин колдооңуз керек. 30 жылдык көйгөйлөрдү чечүү үчүн мага 2-3 жыл аздык кылат. Бийликтин эшиги ар дайым эл үчүн ачык болот. Саясий куугунтук кылбайбыз. Коррупционерлерден өзүбүздү тазалашыбыз керек. Ар бир мамлекеттин байлыгы — анын эли. Биздин милдет — мигранттарды мекенине кайтаруу. Менин оппоненттериме карата жүрөгүмдө ачуу же жек көрүү сезими жок. Келгиле, чогуу гүлдөгөн Кыргызстанды түзөлү», — деди Жапаров.
Ошондой эле ал болжол менен 75 пайыздан ашык добуш алам деп ойлобогонун, 60% менен жеңем деп болжолдогонун белгиледи.
