Бүгүн, 17-ноябрда Бишкек шаардык сотунда жарандык активист Илгиз Шаменовдун баш коргоо чарасын өзгөртүү боюнча жактоочунун арызы каралып, Шаменов камакта калтырылды.
Шаардык сот, буга чейин Биринчи май райондук соту чыгарган Нарматованы 20-декабрга чейин камакка алуу тууралуу чечимин өзгөртүүсүз калтырды. Ал «массалык башаламандыктарды уюштурууга даярданууга» шектелип кармалган.
Буга чейин ал Москвадан Бишкекке 28-октябрда Жогорку Кеңештин мурдагы депутаты Орозайым Нарматова менен чогуу жеткирилген.
Эскерте кетсек, 22-октябрда Кемпир-Абад суу сактагычын коргоо комитети түзүлгөн. Анын курамына активисттер, саясатчылар жана депутаттар кирген. 23-октябрда массалык тинтүү иштери башталып, 20дан ашык адам кармалып, алар 48 саатка камалган.
24-октябрда Бишкек шаарында Кемпир-Абад суу сактагычынын астындагы жердин Өзбекстанга берилишине жана активист, саясатчылардын камалышына каршы жөө жүрүш өткөн. 25-октябрда Биринчи май райондук соту тарабынан алар эки айга камакка алынган.
Активист жана саясатчылардын камалышы боюнча ИИМ түшүндүрмө берип, Кылмыш-жаза кодексинин 36-278-беренеси «Массалык башаламандыктарды уюштурууга даярдануу» менен козголгон кылмыш иши боюнча тергөө амалдары жүргүзүлүп жатканын билдирген.
Биздин Телеграм каналыбызга катталыңыз