Жарым жылаңач сүмөлөк даярдаган кыздар табылып, 15 күнгө камакка алынды. Бул тууралуу жергиликтүү маалымат булактары жазышты.
Маалыматка ылайык, окуя Өзбекстандын Хорезм облусунда болгон. Видеодогу кыздарды укук коргоо органы «майда бейбаштык» беренеси менен күнөөлүү деп таап, 15 күнгө камакка алды. Мындан тышкары дагы үч катышуучуга 116 доллардан айып салынган.
Белгилей кетсек, 21-март Нооруз майрамында соцалдык тармактарда жарым жылаңач кыздардын сүмөлөктү даярдап жатышкан видеосу тарап, кызуу талкуу жараткан. Көп убакыт өтпөй окуя боюнча, Өзбекстандын Хорезм облусунун ички иштер органдарынын кызматкерлери тийиштүү текшерүүнү башташкандыгын билдиришкен.
