ЖККУ саммитинде уюмдун жамааттык коопсуздугун күчөтүүгө жана анын ишин өркүндөтүүгө багытталган ири документтер топтому кабыл алынды.

Жыйындын жыйынтыгы боюнча ЖККУнун башкы катчысы Имангали Тасмагамбетов билдиргендей, кабыл алынган чечимдер уюмдун ишмердүүлүгүнүн негизги багыттарын камтып, бирикменин заманбап чакырыктарга жана коркунучтарга даярдыгын жогорулатууга тийиш.

Тастыкталган документтердин катарында:

• ЖККУнун Жамааттык коопсуздук кеңешинин декларациясы;
• Баңгизаттын мыйзамсыз жүгүртүлүшүнө каршы аракет боюнча билдирүү;
• ЖККУнун 2026–2030-жылдарга карата баңгизатка каршы стратегиясы;
• Маалыматтык мейкиндикте ЖККУнун позитивдүү образын түзүү боюнча чечим;
• ЖККУнун жамааттык коопсуздук стратегиясы;
• жана бир катар протоколдук чечимдер бар.

«Мамлекет башчылары өзгөчө көңүлдү ЖККУнун жоопкерчилик аймагындагы аскердик-саясий абалга бурушту. Лиделер учурдагы геополитикалык өзгөрүүлөр аймактагы кырдаалга түз таасир этерин, ал эми заманбап коркунучтар барган сайын гибриддүү мүнөзгө ээ болуп баратканын белгилешти», — деп белгиледи ал.

Кабыл алынган чечимдер жана пикир алмашуу ЖККУнун жоопкерчилик аймагында да, жалпы Евразия мейкиндигинде да аймактык коопсуздукту бекемдөө үчүн маанилүү.