Бүгүн, 11-сентябрда Жогорку Кеңеште жаңы депутат Бектен Сыдыгалиев ант берди. Ал «Кыргызстан» фракциясына Насыр Мусаевдин ордуна келди.
Сыдыгалиев мурда УКМКнын төрагасынын биринчи орун басары болуп иштеген.
Белгилей кетсек, Насыр Мусаев мандатын тапшыруу боюнча 5-августта Борбордук шайлоо комиссиясына арыз жазган. Ал ден соолугуна байланыштуу бир жылдан ашык Жогорку Кеңештин жыйынына келген эмес.
