Кыргызстандык балбан кыз Мээрим Жуманазарова (68 кг) жаракатынан улам күрөш боюнча дүйнө чемпионатынын чейрек финалында күрөшө алган жок. Бул тууралуу спорттук журналист Тахир Гафуров билдирди.
Жуманазарова бүгүн, 20-сентябрда килем үстүнө чыгып, таймашты 1/16 финалдан баштаган. Биринчи беттешинде перулук Янет Соверо менен күрөшүп, аны 10:0 эсебинде жеңип алган.
Андан кийин 1/8 финалда украиналык Татьяна Рыжкону 5:2 эсебинде уткан.
Жуманазарова чейрек финалда япониялык балбан кыз менен күрөшмөк. Бирок жаракатынан улам беттештерди уланта албай калган.
Тахир Гафуровдун айтымында, Жуманазарованын эски жаракаты козголуп, чейрек финалдагы беттешке чыга албай калган. Мындан улам жеңиш анын атаандашына ыйгарылган.
Биздин Телеграм каналга катталыңыз
