Жалал-Абад облусунун Ала-Бука районунун Сафед-Булан айылынын 16 жаштагы тургуну рулду башкара албай калып, жол кырсыгына кабылды. Кырсыктын кесепетинен айдоочу, жанындагы эки бала оор жаракат алып, ооруканага жаткырылды. Бул тууралуу ЖКККБдан билдирди.
Окуя кечээ, 11-октябрда саат 23.00 чамасында Падек айылына бара жатып рулду башкара албай оодарылып кеткен. Рулда Жамшидбек Ахмаджанов атасы Косимжан Ахмаджановго таандык «Хавей HFJ 100 LOBO» унаа менен кырсыкка учураган.
