Өзгөчө кырдаалдар министрлигине Түштүк Кореядан 4 автоунаа келди. Бул тууралуу министрликтин басма сөз кызматы билдирди.
Маалыматка ылайык, бүгүн, 1-февраль күнү Түштүк Кореянын Сеул шаарынын Өрткө каршы күрөшүү кызматы тарабына Кыргыз Республикасынын Өзгөчө кырдаалдар министрлигине берилген 4 автоунааны кабыл алуу аземи болуп өттү.
Аталган төрт автоунаанын экөө өрт өчүрүүгө колдонула турган, экөө “Тез жардам” кызматынын автоунаасы.
Бул атайын автоунаалар Бишкек шаарына бөлүнүлөрү күтүлүүдө.
