Улуттук коопсуздук боюнча мамлекеттик комитети Борбордук Азия аймагы аркылуу Европа өлкөлөрүнө героин ташып жүргөн эл аралык кылмыштуу топту жок кылуу боюнча масштабдуу атайын операция өткөрдү. Бул тууралуу УКМКнын маалымат кызматы кабарлады.

Иликтөө иш-чараларынын натыйжасында Бишкекте дээрлик 175 килограмм героин алынды.

Баңгизат каналынын уюштуруучулары жана аткаруучулары башка өлкөлөрдүн укук коргоо органдары менен биргеликте иш алып барган учурда кармалган.

Алдын-ала маалыматка ылайык, кармалган баңгизаттын дүң баасы Кыргызстанда 130 миллион сомго жакын болсо, Европада мындай көлөмдөгү дарылардын баасы 600 миллион сомго чейин жетет.