2025-2026-окуу жылында мектеп окуучулары кыш майрамдары маалында 12 күн эс алышат. Бул тууралуу Агартуу министрлиги тарабынан бекитилген базистик окуу планында жазылган.

Тактап айтканда, кышкы каникул 2025-жылдын 31-декабрынан баштап 2026-жылдын 11-январына чейин болот. Сабактар 12-январда башталат.

Ал эми 12 жылдык мектептин 1-классынын алты жаштагы окуучулары үчүн каникулдар кошумча 2 жумага узартылат. Алар 2025-жылдын 24-декабрынан баштап 2026-жылдын 18-январына чейин эс алышат.

Ошондой эле 2-класстын окуучулары үчүн кышкы каникулдар 1 жумага узартылат.