Эмгек кодексине ылайык, 20-марттагы Орозо айт майрамы күн иш эмес болуп эсептелет. Ал эми майрамдын алдындагы жумуш күнү бир саатка кыскартылат. Бул тууралуу Эмгек, социалдык камсыздоо жана миграция министрлиги билдирди.

Ошондой эле 21-март – Нооруз майрамы ишемби күнгө туура келет. Эмгек кодексинин жаңы ченемдерине ылайык, эгер майрам күнү дем алыш күндөрүнө туура келсе, эс алуу күнүн башка күнгө жылдыруу тартиби колдонулбайт.

Министрлик иши токтотулбай турган уюмдарда кызматкерлерди майрам күндөрү жумушка тартуу эмгек мыйзамдарында белгиленген тартипте гана жүргүзүлүшү керектигин эскертет. Иш берүүчүлөр иш убактысын уюштурууда мыйзам талаптарын сактоого милдеттүү.