2023-жылы гепатит жана сифилис жугузгандардын саны көбөйдү. Бул тууралуу Улуттук статистика комитети билдирди.
Бир жылда гепатит менен ооругандардын саны 2,6 эсеге сифилиске чалдыккандар 1,3 эсеге өстү.
Ошондой эле 2023-жылы кызамык илдети күч алып, 5 миң бала ооруду. 2022-жылы бул оору катталган эмес.
Статистика комитети кургак учурдун саны азайганын белгилейт. Бир жылда бейтаптардын саны 8,2 эсеге аз катталды.
Андан тышкары, педикулез (3,5 эсеге), котур (1,6 эсеге), эпидемиялык паротит жана эхинококкоз (1,1 эсеге) боюнча көрсөткүчтөр төмөндөдү.
Биздин Телеграм каналга катталыңыз
