Кыргызстандын грек-рим жана эркин күрөш боюнча балбандары Хорватияда өтө турган Zagreb Open рейтингдик мелдешине катышпайт. Бул тууралуу Күрөш федерациясынан билдиришти.

Маалыматка ылайык, мындай чечимди башкы машыктыруучулар кабыл алган. Учурда балбандар Ысык-Көлдө машыгуу өткөрүүдө.

Бул мелдешке өлкө атынан балбан кыз Айпери Медет кызы гана барат. Ал азыр турнирге даярдык көрүүдө.

Эскерте кетсек, буга чейин дүйнөлүк күрөш уюмунун сайтында Кыргызстандын 9 грек-рим балбаны Zagreb Open катышары айтылган. Учурда сайтта алардын аттары катышуучулардын тизмесинен алынган.

https://reporter.kg/ajperi-medet-kyzy-horvatiyadagy-meldeshke-katyshat/