Чүй облусунун Ысык-Ата районунда 17 жаштагы Кундуз Кубатбек кызы изделүүдө. Бул тууралуу облустук милициясынын маалымат кызматынан кабарлашты.
Маалыматка ылайык, ал 17-октябрь күнү Ивановка айылындагы үйүнөн саат 7.30да чыгып кеткен бойдон кайтып келген эмес.
Өзгөчө белгилери: бою 168-170 сантиметр, көздөрү бүтүк, эрининде калы бар.
Кийип жүргөн кийимдери: үстүндө кызыл-жашыл түстөр аралаш кардиган, көк түстөгү көйнөк, жинсы шым болгон. Кара түстөгү спорттук бут кийимчен кеткен.
Кимде ким сүрөттөгү Кундуз Кубатбек кызын көргөн же билген болсо Ысык-Ата райондук ички иштер бөлүмүнө 0 (312) 61-69-07, 0 (707) 25-79-02 номерлери аркылуу же 102 кызматына чалса болот.
