Бишкектеги Дөлөн Өмүрзаков атындагы борбордук стадиондо өткөн футболдук беттеште Кыргызстандын  улуттук курамасы Жапонияга утулуп калды.

Оюндун биринчи бөлүгүнүн 40-мүнөтүндө кыргыз курамасынын дарбазачысы Кутман Кыдырбеков оюн эрежесин бузганы үчүн калыс жапондорго пенальти берди.  Жапон оюнчусу Такуми Минамино мүмкүнчүлүктү колдон чыгарбай өз командасына бир гол алып келди.

Экинчи таймдын 54-мүнөтүндө жапон оюнчулары экинчи голду жаратууга жетишти.

Ошентип оюн 2:0 эсебинде Жапон курамасынын жеңиши менен аяктады.

Белгилей кетсек, аталган беттеш 2022-жылы Катарда өтүүчү Дүйнө чемпионатына жана 2023-жылы Кытайда болуучу Азия Кубогуна тандоо этабынын алкагында болду.