Башаламан курулуш боюнча депутаттык комиссиянын кезектеги жыйыны өттү. Жыйында Бишкек шаарынын вице-мэри, муниципалдык менчикти башкаруу департаментинин жана башка шаардык кызматтардын маалыматы угулду. Бул тууралуу Жогорку Кеңештин депутаты Дастан Бекешев өзүнүн Телеграм каналына билдирди.
Анда депутаттык комиссиянын чечимин жазды:
— Министрлер Кабинетине жана Бишкек шаарынын мэриясына курулуп жаткан көп кабаттуу үйлөрдү инженердик-техникалык коммуникацияларга кошууга уруксат берүүгө тыюу салууну сунуш кылсын;
— турак жайларды, көп кабаттуу үйлөрдү курууга уруксат берүүнү токтотуу;
— көп кабаттуу үй курууга уруксат алуу менен Билим берүү, саламаттыкты сактоо департаментинен жана Жаратылыш министрлигинен макулдук алууга.
Буга чейин Бишкек шаарындагы башаламак курулуш иштери боюнча атайын комиссия түзүлгөн болчу.
