Боом капчыгайында Hyundai Sonata унаасынын жүргүнчүлөрү терезеден тулку боюнча чыгарганы үчүн айдоочу айыпка жыгылды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Белгилүү болгондой, буга чейин соцтармактарга Боомдун ичиндеги жолдо бараткан Hyundai Sonata’дагы эки кыз терезеден тулку боюн чыгарганы тартылган видео тараган.
Бул окуядан кийин жол коопсуздугун караган кызматкерлер унаанын айдоочусун издеп таап, «автоээнбаштык» беренеси боюнча 15 миң сом айып пул салган. Ошондой эле анын темир тулпары айып короосуна коюлган.
