Чүйдүн Шопоков шаарында темирди кайра иштетүүчү ишканадагы жарылуудан кийин чыккан өрт өчүрүлдү. Бул тууралуу Өзгөчө кырдаалдар министрлиги билдирген.

Министрликтин маалыматы боюнча, жарылуу болжол менен саат 13:20дарда болгон. Алдын ала маалыматка ылайык, ишкананын темир эритүүчү казаны жарылып, анын тегерегиндеги таштандылар күйгөн.

Тилсиз жоо менен күрөшүүгө 1 бөлүм тартылып, өрт саат 15:35те толук өчүрүлгөн.

Кырсыктан жабыркагандар жана каза болгондор жок.