Бишкекте онкологиялык ооруларга чалдыккан балдарга жардам берүүгө багытталган «Кан тапшырып, адам өмүрүн сакта» аттуу кайрымдуулук акциясы өтөт. Бул тууралуу Ыктыярчылар бирикмеси билдирди.
Акцияга катышууну каалаган жарандар 21-ноябрда саат 09:00дон 14:00го чейин Hyatt Regency Bishkek мейманканасына келип, кан тапшыра алат.
Жарандар кан тапшыруу менен ооруп жаткан балдарга жардам берет, канынын тобун биле алат жана канында инфекциялар бар-жогун текшерте алат.
Бул иш-чара 20-ноябрь – Балдардын эл аралык күнүнө карата уюштурулат.
