Германиялык компаниялар Токтогул суу сактагычында калкып жүргөн эки күн электр станциясын курат. Тиешелүү макулдашууга Садыр Жапаровдун Берлинге жасаган сапары учурунда кол коюлду.
Маалым болгондой, эки калкып жүрүүчү күн электр станциясын куруу жана эксплуатациялоо долбоорун ишке ашыруу жөнүндө инвестициялык макулдашууга Кыргызстандын министрлер кабинети менен Sonnenergie, a.s., AB Progressio GmbH, LTI ReEnergy CleanTech Project Development UG компаниялары, «СЭС Токтогул» жана «СЭС Токтогул КГ» ачык акционердик коомдору кол койгон.
