Бүгүн, 24-апрелде Словакиянын Тышкы жана европалык иштер министри Юрай Бланар Кыргызстанга расмий сапар менен келди. Бул тууралуу ТИМ билдирди.

Маалыматта айтылгандай, ал тышкы иштер министри Жээнбек Кулубаев менен сүйлөшүүлөрдү өткөрүп, ошондой эле өлкө жетекчилиги менен жолугушат.

Мындан тышкары бул сапардын алкагында Кыргызстан менен Словакиянын ишкер чөйрөлөрүнүн өкүлдөрүнүн катышуусунда бизнес-форум өткөрүлөт.