Евразия экономикалык комиссиясынын (ЕЭК) Коллегиясынын төрагасы Бакытжан Сагинтаев Кыргызстандын президенти, Жогорку Евразия экономикалык кеңешинин мүчөсү Садыр Жапаровду жана бүткүл кыргызстандыктарды Конституция күнү менен куттуктады. Куттуктоо каты аталган комиссиянын расмий сайтына жарыяланды.

“Конституция — Кыргыз Республикасынын мамлекеттик түзүлүшүнүн бекем негизи, туруктуу өнүгүүсүнүн ишенимдүү кепилдиги болуп эсептелет. Дал ушул Конституциянын аркасында кыргыз эли келечекке ишеним менен кадам таштап, улуттук биримдикти бекемдеп, өз укуктарын жана кызыкчылыктарын коргоону камсыздап келет”,- деп айтылат куттуктоо катында.

Бакытжан Сагинтаев Кыргыз Республикасына жана анын жарандарына экономикалык өсүш жана бакубат жашоо каалады.