Бишкек мэри Айбек Жунушалиев борбор калаада Евразия паркы баш болгон ири объектилер кандай курулуп жатканы менен таанышты. Бул долбоорду “Евразия” автономиялык коммерциялык эмес уюму ишке ашырууда.
Орок айылындагы 10 гектар аянтты ээлеген парк бардык курулуш иштери аяктагандан кийин муниципалитеттин балансына өткөрүлөт.
«Евразия» уюмунун Кыргызстандагы аймактык өкүлчүлүгүнүн директору Кымбат Урумкулованын айтымында, паркта аянты 4680 чарчы метрди түзгөн чоң аква зонасы болот: чоңдор жана балдар үчүн бассейндер, кызыктуу суу горкалары. Башка заманбап аттракциондор жакын жерде жайгашат.
Ошондой эле кышкы оюн-зоок үчүн муз аянтчасы жана трубинг слайддары болот. Активдүү эс алуунун күйөрмандары үчүн заманбап мини-стадион курулат.
Мындан тышкары, паркта көргөзмөлөр, жарманкелер жана маданий фестивалдар үчүн чоң көргөзмө аянты, ошондой эле ыңгайлуу кафелери жана фуд-корту бар заманбап тамак-аш аймагы болот.
Парк эс алуучулар үчүн бекер болот.
