14-июндан тарта Бишкек шаарынын Фрунзе көчөсүндө жылуулук тармагын оңдоо иштери башталат. Мындан улам аталган жолдун Сүйүмбаев көчөсүнөн Тыныстанов көчөсүнө чейинки бөлүгү толук жабылат. Бул тууралуу шаар мэриясы билдирди.

Маалыматка ылайык, оңдоо иштерин ушул жылдын 3-октябрына чейин бүтүрүү пландалууда.

Мэрия бул бөлүктөгү жылуулук тармагы 54 жылдан бери иштеп келгенин, учурда авариялык абалда болуп, шашылыш түрдө алмаштырууну талап кыларын билдирди. Иштерди “Бишкектеплосеть” муниципалдык ишканасы жүргүзөт.