17-19-июнь күндөрү өлкөдө абанын температурасы көтөрүлүп, 38°-41° Cге чейин ысыйт. Бул тууралуу ӨКМ билдирди.
Маалыматка ылайык, абанын күндүзгү температурасы Чүй, Ош, Жалал-Абад, Баткен облустарынын өрөөндөрүндө 39…41°ка чейин, Талас облусунун өрөөнүндө 36…38°ка чейин жогорулашы ыктымал.
ӨКМ жарандарды мындай кургак ысык аба ырайында организмди суусуздандыруудан жана ысык өткөрүп алуудан сактануу үчүн күндүз күн ачык жерлерде көпкө жүрбөөгө чакырып, айыл чарба өсүмдүктөрүн кеңири сугарууну сунуштады.
