Өлко башчы Садыр Жапаров Кыргызстан менен Жапониянын өкмөттөрү ортосундагы “Социалдык-экономикалык өнүгүү программасы” долбоору боюнча алмашуу ноталарын ратификациялады. Бул тууралуу президенттин басма сөз кызматы билдирди.

Документке 2025-жылдын 13-июнунда Бишкек шаарында кол коюлган. Ага ылайык, жапон тарап Кыргызстанга 500 млн жапон иени өлчөмүндө грант берет.

Бул каражаттар мобилдүү медициналык комплекстерди заманбап диагностикалык жабдуулар менен жабдуу аркылуу жетүүгө кыйын жана бийик тоолуу райондордо медициналык жардамдын жеткиликтүүлүгүн жана сапатын жогорулатуу үчүн берилүүдө.