Бүгүн, 9-апрелде, Бишкекте спорттук күрөш боюнча Азия чемпионатынын кыз-келиндер күрөшү боюнча финалдык беттештери өтөт.

Кыргызстандын курама командасынан 68 кг салмакта Мээрим Жуманазарова жана 76 кг салмакта Айпери Медет кызы алтын медалдар үчүн күрөшөт. Беттештер саат 18:00дө башталат.

Ошондой эле, бүгүн Кыргызстандын атынан дагы беш балбан кыз килемге чыгат. Алар 53, 57, 62, 65 жана 72 кг салмак категорияларында байге орундары үчүн күч сынашат:

• 53 кг — Азиза Келдибекова;
• 57 кг — Танчолпон Кыбалбекова;
• 62 кг — Дилназ Сазанова;
• 65 кг — Гулнура Таштанбекова;
• 72 кг — Нурзат Нуртаева.

Бул салмак категорияларындагы алдын ала кармаштар саат 11:30да башталат.