Транспорт жана коммуникациялар министри Абсаттар Сыргабаев Бишкек–Ош автожолунун Суусамыр тилкесинде жүрүп жаткан оңдоо иштеринен кабар алды.

Министрликтин маалыматына ылайык, азыркы көрсөткүчтөр:

• Курулуш башталгандан бери 18 чакырым эки тараптуу асфальт төшөлдү;
• Жолдун айрым тилкелеринде негиз даярдоо жана суу түтүктөрүн орнотуу иштери жүрүүдө.

Суусамыр өрөөнүндө суук эрте түшөөрүн эске алып, жол тилкесине жакын жерде эки асфальт-бетон заводу орнотулду.

Белгиленгендей, заводдордон учурда саатына 200–300 тонна асфальт өндүрүлүүдө.

Эске салсак, Бишкек–Ош автожолунун бул бөлүгүн капиталдык оңдоо иштери 2025-жылга пландалган, жана ушул жылы курулуш иштери башталды.