Кыргызстанга «Жакшылык миссиясы» программасынын алкагында Россиядан тажрыйбалуу дарыгерлер келишти. Бул тууралуу Саламаттык сактоо министрлиги кабарлады.

Топтун курамында уролог, жүрөк-кан тамыр хирургу, кардиолог, акушер-гинеколог, нефролог жана травматолог-ортопед бар.

Алар 18–22 август күндөрү дарыгерлер жана медициналык студенттер үчүн мастер-класстарды өткөрүп, лекция окуп, бейтаптарды кабыл алышат.

Маалымат иретинде: Программа 2021-жылдан бери ишке ашырылууда. 2021–2024-жылдары 35 миссия, 10 миңден ашуун адам жардам алган. Кыргызстанга Россиялык дарыгерлер 6 жолу келишкен, 2025-жылы эки жолу келет.

Кыргызстанга күзүндө Россиядан дагы бир топ адистер келери күтүлүүдө.