Айыл чарба министрлиги быйыл мал-жандыктын экспорту өткөн жылга салыштырмалуу кыйла азайганын билдирди.

Маалыматка ылайык, быйыл жыл башынан бери Кыргызстандан жалпы 30 миң 493 баш ири мүйүздүү мал, 31 миң 781 кой-эчки жана 1 636 жылкы экспорттолду.

Ал эми былтыр, 2024-жылдын 7 айында өлкөдөн 77 миң 907 баш ири мүйүздүү мал, 70 миң 392 кой-эчки жана 5 миң 113 жылкы экспорттолгон.

Министрлик экспорттун азайышы малдын этине баанын негизсиз көтөрүлүп кетпешине жол бербөө жана этке болгон жеткиликтүүлүктү камсыз кылуу үчүн көрүлгөн чараларга байланыштуу экенин билдирди.