16-августта чет мамлекеттердин жогорку аскердик окуу жайларына өткөн курсанттардын аскердик ант берүү аземи өттү. Бул тууралуу Коргоо министрлиги билдирди.

Салтанаттуу иш-чарага коргоо министринин биринчи орун басары генерал-майор Эрлис Тердикбаев, Аскер институтунун жетекчилиги жана өздүк курамы, курсанттардын ата-энелери жана жакындары катышкан.

“100дөн ашуун курсанттар тандоо сынактарынан, медициналык кароодон ийгиликтүү өтүшүп, бир айлык жаш жоокердик курсун аяктап, бүгүн мекен алдында аскердик ант беришти”,- деп айтылат маалыматта.

Курсанттар Орусия, Кытай, Түркия, Казакстан жана Өзбекстандагы жогорку аскердик окуу жайларда билим алып, келечекте Кыргызстандын куралдуу күчтөрүн толуктай турган адистер болуп чыгышат.