24-26-март күндөрү Түркиянын Стамбул шаарындагы «Atlas» кинотеатрында Кыргыз кино күндөрү өткөрүлөт. Бул тууралуу Маданият мнистрлиги билдирди.

Иш-чара кыргыз кинематографиясын эл аралык деңгээлде таанытуу, маданий кызматташтыкты кеңейтүү жана түрк көрүүчүлөрүн кыргыз кино өнөрү менен тааныштыруу максатында уюштурулууда.

Программанын алкагында төмөнкү көркөм тасмалар көрсөтүлөт:

• «Кара Кызыл Сары» (режиссёр Актан Арым Кубат);
• «Качкын» (режиссёр Дастан Жапар уулу);
• «Бейиш 2» (режиссёр Руслан Акун).

Тасмаларда кыргыз коомунун турмушу, адам тагдыры, улуттук маданий баалуулуктар жана социалдык маселелер чагылдырылган. Бул иш-чара эки өлкөнүн ортосундагы маданий-гуманитардык кызматташтыкты өнүктүрүүгө багытталган.