Кыргызстандын эгемендүүлүгүнүн 34 жылдыгына арналган негизги майрамдык иш-чаралар быйыл 30-августта Жалал-Абад шаарында өтүп, майрамдык концертке россиялык жана жергиликтүү ырчылар катышат. Бул тууралуу Маданият министрлиги кабарлады.

Шаардагы негизги майрамдык концерт 30-августта саат 18:00дөн түнкү 01:00гө чейин уланат.

Иш-чара көпчүлүккө белгилүү чет элдик жана жергиликтүү ырчылардын катышуусунда өтөт. Чет элдик артисттердин арасынан Николай Басков, Люся Чеботина, BOSSON, ОЗОДА жана Хамдам Сабиров чыкса, кыргыз эстрада жылдыздарынан Гүлнур Сатылганова, Бек Борбиев, Бактияр Токторов, Айчүрөк Иманалиева, Фриман 996, Жийдеш, Нурлан Насип, Аваз Акимов, Айдана Дэка жана башкалар сахнага чыгышат.

Майрамдык концерт шаар тургундарына жана конокторуна көтөрүңкү маанай тартуулап, өзгөчө шаңда өтөт деп күтүлүүдө.