Бишкекте КМШ өлкөлөрүнүн атайын кызматтарынын ардагерлеринин жолугушуусу болуп өттү. Бул тууралуу УКМК билдирди.

Маалыматка ылайык, иш-чара УКМК төрагасы Камчыбек Ташиев тарабынан уюштурулган. Ага Кыргызстандын, Орусиянын, Беларустун, Казакстандын, Тажикстандын жана Өзбекстандын атайын кызматтарынын ардагерлери катышкан.

Жолугушуунун жүрүшүндө ардагерлер социалдык колдоонун, өз ара аракеттенүүнү жана өз ара жардамдашууну чыңдоонун, ошондой эле маданий-патриоттук демилгелерди өнүктүрүүнүн актуалдуу маселелерин талкуулашкан. Мындан тышкары жаштарды патриоттуулукка жана милдетке берилгендикке тарбиялоого өзгөчө көңүл бурулган.